غرف نوم للاطفال

بالفعل صور رائعه لغرف اطفال وبعتقد ان عندك حسن اختيار للموديلات الحلوه. لكن انا شايف انك ناسي غرفتك وغرفة اسماعيل. وعلشان اذكرك فيهم انا كنت مصورهم وهي صورة غرفتك وانت اصغر من هيك. بظن كان عمرك حوالي 4 سنين




وهاي يا سيدي غرفة اسماعيل قبل ما تنولد انت. وكان عمره كمان 4 سنين. علشان هيك هو مش متذكرها كمان. الله يسامحكم شو بتنسوا.



اما هاي الصوره فهي لغرفتك انت واسماعيل مع بعض. ومش متذكر كم كانت اعماركم. لكنها كانت الكم وانا متاكد من هالشي.



اما هاي فهي صوره لغرفة اختك الصغيره ساره.



وهاي صورة غرفة اختك الصغيره يسرا. الظاهر انك ما بتشوفها لما ترجع عالبيت من المدرسه. معك حق لان مشاغلك كثيره ولسه ما ختمت لعبة GTA


اما صورة غرفتي وانا صغير فللاسف ما كان على دورنا في كاميرا علشان اصورها لكنها كانت غرفه روعه وبتجنن. صدقني ولا تضحك.
اها. الظاهر انك مش مصدق لانك بعدك بتضحك. على كل حال انت حر بتصدق او لا. لكن غرفتي كانت روعه بجد.
يا سيدي الله كريم وتعمل لاولادك بالمستقبل غرف اجمل من هالغرف .
وفقك الله